Les mots surlignés font l'objet d'une note
1Monseigneur, j’ai receu hersoir des lettres de monsieur de Granieu et
2celle que le roy luy a mandé me priant la vous comuniquer pour
3entendre si vous treuverés bon quil escripvit à Messieurs les
4intendans des finances pour scavoir sy lintention de sa maiesté
5seroit de comprendre en lordonnance contenue en ladite lettre les
6cappitaines et chastellains qui soulloient estre receveurs particulliers
7et comptables ; et combien quilz ne le soient à present pource que le
8roy a arrenté son dommaine, ce neaulmoins sa maiesté pourroit
9chateaulx et forteresses et y ont libre accès à toute heure, ayans
11la garde des prisons y estantz, dont, au temps des troubles,
12ils se trouvèrent saisis de quelques ungs desdits chateaulx comme
13de Grane au prejudice du service de sadite maiesté et pource
14que cest chose qui concerne votre charge, il na voulu toucher
15à cest article en la response quil fera à Mesdits sieurs les
16Intendans sans entendre surce votre bon plaisir et advis duquel
17vous plaira madvertir par ce pourteur que jenvoye expres. Je
18ne vous escripz de ce qui fut hier ordonné en notre compaignie
19au faict de Roumans, ayant sceu de monsieur le presidant
20de Portes quil vous en a escript, comme aussy monsieur de
21Brigaudieres madict vous avoir faict response sur le paiement
22de la garnison de Dye et surce
23Monseigneur, je prie le Createur vous donner en toute prosperité très
24longue et très heureuse vye. De Grenoble, ce premier octobre 1572
25Votre humble et tres affectioné serviteur
26Lauren Nabot
27Il vous plaira me renvoyer par cedict pourteur
28ladite lettre du roy